The Poet's Courtyard

طريق التلفة

ي ذاك الغادي فِي طريق التيه و الغفلة

ؤ شْوَريه ؤ رجليه على بَرْدعَة حْمارو مَالو

لَجِمْ ذاك لْسانْ راه فُمِكْ شادًاه الجَفْلة

والفُم المحلول زبالة حشاك ، ؤ هَكًا قالوا

لَحْم لْموتى عادْ بْنين ؤزادت بَنًاتو التلفة

ؤ بسبع وجوه باع بنادم ؤ شرى ف حالو

دنيا شطبة وأيامها شوك ؤعْقابي ؤ دفْلَة

شي دًاتْ منو لفرحة،ؤشي صحتو ؤمالو

شوف اصًاحْ وجهك ف لمرايا توريك لعفة

تعلمك كيف النعمان من الوحلة فك غلالو

فواحد مزوق من برا،راس مالو ضر ؤخملة

عروقو مسوسة ؤ ف الغيس غْطَس خيالو

ؤواحد ذليل غارق ف هَم نًاس لا دين لا ملة

ناسي سقامو ؤبالقيل وَلْوسواس نَوًرْ مُوالو

ف ي ذاك الغادي ف طريق التيه والغفلة

ؤ شْوَريه ؤ رجليه على بَرْدعَة حمارو مالو

لَجِمْ ذاك لْسانْ راه فُمِكْ شادًاه الجَفْلة

فالفُم المحلول زبالة حشاك ، ؤ هَكًا قالوا