arrow_backالعودة إلى الديوان
10 أكتوبر 2025
لعدو ي لعدو
عدو أصاحبي نت عدو
حفر حفر ؤحتى مقلب م قدو
زايد في بلاه
لحسد والنقص عماه
م دار خير ؤفقد حتى لعندو
نضو
نضو تقيس شبر من بلادي
بلبال راك في الحافة غادي
حقود عليل ؤ شر نخرو ؤهدو
عدو
نت يا صاحبي عدو
م بقى فيك صدق ولا امان
بالنار تهدد أرضي والبارود والدخان
وحيت جاهل نتفتي للسلام جلدو
كثار صداعك ؤ تمدتي
م فكرتي م رويتي
مسكون مضروب في زيرو سعدو
عدو
نت يا صاحبي عدو
لعصابة م تعرف خاوة مشرارة
م كفاتها هاذ السنين وهي غدارة مكارة
جحمومة سادية مسمومة مضرارة
بغاتها عافية ، فعليها شهدوا
والله حتى تحرقها ناري
اسود العز ترد حقي ؤثاري
شعار الله الوطن الملك من جد لبو
عدو
نت ؤ ف لقبح مرمد حالو ؤ شعبو
كسا صندلستان الغبرة ؤ لعجاج
خلا ولد بلادو جايع محتاج
دلو مثقوب والبهدلة صبغت خذو
عدو نت ي صاحبي عدو
الأديب والشاعر المغربي الأستاذ أحمد الكندودي
arrow_backالعودة إلى الديوان
10 أكتوبر 2025