The Poet's Courtyard

الجيل الذهبي

كبرنا والحمد لله

والله يكبرنا على طاعتو

الدنيا وغرايبها عشناها والآه

جيل ذهبي بنضجو وثقافتو

سول على غرسنا شحال محلاه

اهل مبدأ وضمير ولخير طبعو وسماتو

ما تعلقنا ب لخاوي والفرشي نساه

نيشان لغاه والصفا ولمعقول غلاتو

ما تبلحس ما ركع غير لله

الهمة والشان أما لهزة ف خطاتو

ما تذلل ما مول الشكارة شراه

فاحترم ذاك مول الحكمة وافهم نغماتو

عليك ؤ على غيرك عانى مكواه

باش تسعد انت وعليك سالو دمعاتو

جيل النقرة الحرة لا البلاكيور يا لعصاه

تنكر لو ؤ وراء لغربال درق عراتو

وقف وحشم ؤ ف ذكرو خشاه

صعيب عليك ؤ جامي تتبع خطواتو

لخاوي ولبلاوي ؤ فاقد الشي ما عطاه

عايش ناقص حاقد معدومة غلاتو

بل حصادك خرواع والرماد عماه

ما عاد يوزن ؤ كثارو زلاتو

ذاك جيل لمحبة والطيبة سماه

جادت بالخير ونورات زهراتو

فابقى غ انت صغير يا لقصاه

وحنا الله يكبرنا على طاعتو

كبرنا والحمد لله...

دنيا دوارة وكلها يقضي ساعتو

فعنداك يا لحاقد ويا ل نقصو جلاه

تغر فكلها ووزنو وكلها ورسالتو

بل بينك وبينو بعد فرواه

رسا ؤ ثبت جامي تعوض مكانتو

ذاك الجيل الذهبي فشوف نورو وسناه

مضوي لبلاد الرجلة والعز صفاتو

كبرنا والحمد لله...

ونتمناو نكبروا على هدايتو