The Poet's Courtyard

صافي سالينا

قولوا لهذاك لعدو ...

ل ساير يذم ويعادينا

راحنا اليوم من مشكل ...

الصحراء المغربية تهنينا

بل عاد غ نقولوا بسم الله

نتحداو لمرضى شادين في الله

نردوا الشرقية ولي لنا يرجع لينا

نطهروا لحدود

من جران لكَلاتي ولقرود

نضربو لعدو بجهدو

على الظلاًم والظلام نقفلو ونسدو

ثقابي الريح منين تجينا

صافي سالينا

ناس ذبحوا لخاوة ب لمناشر

معاونين لعدو والحال خاسر

هما ما تبدلوا ...

وحنا زدنا ونمينا وبنينا

عقاب الله لكل ظالم طغى ؤ ما سمع

راه ما شبع من لحفير ما فاق ما تردع

زاد في الكيدية والجوف شيطان يدمع

هو سباب الفرقة واش طرى لينا

وحيت هو جنس عيان نكار

ما راعى دم ولا صان الجار

نبش لجرح وبخبثو بغى يسقينا

بيادق بالعلن لرومي وب لجهار

بدلوا جلد الطيبة بالضر والضرار

ما وقروا ؤبحال ظلنا تابعينا

عيينا

من طجة ذاك القاسي بو لعوافي

لِ رضع الضغينة عاد غول خرافي

سنين وسنين مشات هباء ...

وهرسو الفرحة فينا

واليوم سالينا

من الصحرا المغربية وفي الشرقية بدينا

فهي رمالها ونخلها تستغيث وتنادينا

نحرروها

من ذاك الجلاخة

عقلية مقيحة والوساخة

راه ساير على ارضنا يساوم فينا

غافلين ظنونا

ناقصين وعلى لعافية ما قدينا

وحنا غ للجورة والخاوة راعينا

حتى كلاب الداخل والعملاء

عاونوا على الغمة ودواخلهم جوفاء

سرهم لقنب وربيط ...

ؤ بالخيانة باعوا الحق وباعونا

ساعة لقاو السبوعة والاسود

ولاد الرجلة أب عن جد الجدود

امبراطورية لعظماء فسيروا سولوا علينا

صافي سالينا

من كثرة لمطارق والجنس الحفيان

ما داروا خير في ريوسهم بنادم جيعان

خسروا راس المال على الفئران والجرذان

ناس تقدمت وعلات...

وهما بقاو مقابلينا

سالينا