The Poet's Courtyard

سوي

سوي ...

ؤ لا خوي

كلشي بحال بحال

بحال النسا بحال الرجال

قاد ميزانك راه ملوي

لا تْكَحًل على الرجل عيشة

لا ثًقِل على انثى ولو بحجم ريشة

سواسية عند الله...

وانت في الخربطة ساط مجلي

هرستي ببلانك همة ولاد لحلال

عاد الرجل طعم شقي حمال

نزلوا عليه بالبيانات

تلف لمسكين المركد...

وصبح يئن ويعوي

الهدف قتل الرجلة والهمة

لا خدمة لا مال لا ردمة

طيحوه في الحقرة ...

شي يبخ عليه ؤ شي يكوي

اما لمراة داروا لها السراسر

تلفت بين الزحمة والجوف خاسر

زعما عطاها لعناية...

ؤ هو ذيب في هيضورة السبع مخبي

حرضها على الفردية والزينة

حفر لها حفاري ؤ كساتها الروينة

ما بقاتش اللايقة...

صبحت عزري الدوار والقلب مشوي

داخل عشها نعمت بالامان

لمحبة ولوفا الصدق والحنان

طلاها شوكك ...

ؤ ما عادت بغات معقول ولا تربي

فغير سوي

راك واكل تبيخا

الوسخة ما يبقى غ وسخة

عدو الله ؤعدوي

فيا ذاك الرايب آش تدردك

لهدم الاسرة درتي ل في جهدك

لعيب ماشي عيبك

بل في ذاك ل شرتيه ؤ صفق ؤ تبع طريقك

ؤ ما انت غ بومزوي

الرجل ولمراة من زمان جمعتهم النية

جيتي انت رونتي لعوينة يا لحدية

ريبتي لبلاد...

ؤ لعبتي ضدها وضدي

سوي

ؤ لا سير بعد ؤخوي

تستاهل تعليقة

زدتي لارض الم وضيقة

حسابك الجبيد ...

وحسن فوت عرامي ؤخوي

غ سوي