The Poet's Courtyard

ألأقدار

الأرض خَضراتْ وفتًحْ النًوارْ

والسما جادت بالخير والأمطار

العبرة عطاها الله لبنادم المكار

العبرة حلَف ما يشوفها...

هذاك المطيار المشرار

ما زرع خير ...ما حشم ...

ما قال عار,,,

شوف حب الارض عطرها مدرار ...

بياض المحبة والألفة...

بين الطير والفراش والازهار

مالك يا بنادم ...

في طريق الظلم هايم

ما داري ما فاهم

راكب قصبة وشاد في لمزرار

هذا زمان لكبير في الكركاع خاوي

في النهيق والتمثيل راك قاضي..

حاجة ،نصاب ومحتال وشفار

بلبلا بلاَ عفة ومُخك مرجة

أناني نهاب جحود مشرار

شوف الارض جادت بنوارها

باش تسعدك نْتَ ونسات حالها

سواقي جارية ،والعيون عامرة

ونت عمى زارع النار والأضرار

عامر أصاحبي بالظن ...

لا محبة ، قلبك بالأنا معفن

ما عطيت غير الهم والحزن....

لغبينة وقلة مايدار...

تعش وحدك ما كرهت ...

حقرت واستبدت....

فرد بالك راه الزمان دوار

فق وتعلم من طيبة الحجلة

راه الخضرة قدامك حجة...

بحال أيامك العوجة

نهار تذبال وتولي غبار...

راها ضاعت في دي لهذا..

عط لذاك ذميم حقار

دموع الناس ما قداك

مواجك جالياك ...

بحرك بالقروش عامر ...

خراب وليت ودمار

لا محبة لا صفا لا نية

تحراميات لفيك بقات هي هي

ما سمعت لكلام لعقل ...

لا خضرة المرج والحقل...

ارض جافة وليتي حطاب وسمسار

واخا الارض حضرت وفتح النوار

والسما جادت بالخير والأمطار

العبرة عطاها الله لبنادم المكار

العبرة حلَف ما يشوفها...

هذاك المطيار المشرار