The Poet's Courtyard

زيد

زيد

كَدد ؤ دير لكَديد

بعيد

هو ضو الكمرة

مكَواه وظلام الحسرة

ؤ ل لاح دوزانو ...

ؤ مد اليد

عنيد في قسوتك على الرحمة

كريم في زرع الغمة والزحمة

ما راعى ما قال عيب

الساهل يستاهل

مات ؤ مات عزو بالكامل

عاد ذليل وفي التلفة غريب فريد

بل سكاتك رد منك زايد ناقص

عيش في الفقر والضياع ولفقايس

كبش الذبيحة نهار العيد

زيد

ما تخلى دقيق ولا سميد

جوع لخلق

ؤ ما كاين غ زيد زيد

حيت فاشل ما نتج مال

ثقب الجيوب شناق دجال

ؤ باش يرقع نفخ في العيشة...

دار لجرم وعاد الباشا والسيد

عاجباه بنة عرق الكادح

ل طيحو في الزلطة ولوجه قاسح

سواد اللحظ ...

في زمان التلاوي وقلوب لحديد

زيد اوى زيد

اش بقى لك

تمرح كيفما عجبك غدا تديك

وعند الله لحساب ..

تدفع لخلاص وتزيد

زيد

كدد ومن جلود الكدح صنع لبنادر

شوف ذاك العاطل وؤ ل بعمرو خاطر

ؤ دردك كيفما تريد

زمان حاميها حراميها

سراق الغلة وناهبيها

ل ما خلاو غ لفتات ...

ؤ عاد لمسكين الفريسة والطريد

زيد