The Poet's Courtyard

ي بنادم.

يَ بْنادِم...

ي بنادم مالك وَليتي طاغي ظالم

ركبت موجة لقباحة و الشر

ؤ ذاك المخ لعيان مَ خمم م فكر

دابا تحصد شرورك ،ؤُ تْوَلي نادم

ي بنادم...

دواخلك بالقبح فاحت ؤ قَيْحات

عَجْبَك خْيالك لباسك ؤلكَرافات

مات فيك حس ْلإنسان ؤضْمير نايم.

لا دين ولا ملة راعيتي

في العبث والنقص مشيتي

الزواق والجبهة ،منشار طاغي ظالم

حتى ذاك لعقل نسا ؤ تناسى

داسْ التقدير الخير والكياسة

وليتي في زمان الخيبة حْجَر كَارم

ي بنادم باركا مَنْ الحُكَرَة والعيب

فكر أن كل واحد مَنْ نًاس خو ؤُحْبيب

حَيِدْ الوسواس تحيا سْعيد قانع سالم

رْجَع لأصلك ؤ شد طريق

تحراميات ديالك مْحيها ؤُ فيق

تكبر صفصافةْ لخير ؤُتزيان لَمْواسِم

تزهر المحبة ؤَُ لَوْجوه تَصْفا

يْزول لْوَسْواس ؤُ يْعَمْ لَوْفا

ؤ ف مزبلة لأيام يَتْلاح كل جبان ظالم

ي بنادم...