The Poet's Courtyard

لي نسى الله نساه

لي نسى الله نساه

طاح في الشده

بخشبة النقص والغدة

فقَدْ لبصيرة ؤزاد عماه

بل غرقوا في كَلتة الأنانية

عاد غريب وطريقو سرمدية

ما بقى فيه إيمان والخبث جلاه

لي نسى الله نساه

سلط عليه لحناش والثعابين

قلال النية والشياطين

ينهبوا غلتو ويجبدوا ليه لودنين

يزيدوا في عذابو وشقاه

ذوك القوم المعمية

ركبوا جهل لخليقة وحفاري لعقلية

ؤ كاع لي نهبوه هربوه ...

ولعدو خيرو مرتاح جاه

زاد كبر وسمان ..

ضمن لشعبو الشبعة والرفاه

بل عاد صغيرهم علام

فلوس التهريب عليهم حلال وعلينا حرام

حرموا لبلاد ؤزرعوها ألم وجذام

علاو شانهم ...

زعما الناهب اكس ولمنهوب خباوه

ضاحكين على الشفار

ذاك الشلاهبي النكار

لي سرق حق خوه حتى ضاع وتاه

بل جوعوا ؤمخدمو ما دواه ما قراه

نهب نهب وهرًب

قلة الدين فلا تستغرب

فحسب شحال من سارق ...

وشحال هرب معاه

لي نسى الله نساه

تضربو النكبة ويحكمو الطاغوت

يعود شريك ويعيش مشموت

يقضي مستعبد محقور والطمع جلاه

تسوء الحالة وسبول لارض ما يثمر

يتلف بنادم ؤ م يفرق بين خير وشر

يولي ذيب ؤ ما يخاف الله

بل كلشي يعود عندو عادي

يعري الضعيف مجرم سادي

يموت فيه الانسان...

ؤ تعمر دواخلو شر ؤما يرحم خاه

لي نسى الله نساء

يريب الفرحة ويدك الفصيلة

على الريال ولكرسي ينسى الاخرة مصيبة

بل يبيع بلادو ويضحك على ل شراه

لي نسى الله