21 مارس 2021
لغبينة 2
لحال بهات ولْحامي عاد مضــرار
حبل خانق ؤ على عنق طيور ملوي
ما يقول حاشا ولاحشومة ؤ لا عار
ظلوم ، ظْلاَم ؤ على القبح مطوي
ما هزاتو صرخت لي شكا واحتار
ما فاهم المجدوب علاش يدوي
لوزيعة طاحت ،ؤ فـرح ذاك لـكَزار
ش بغا يدبغ ، ؤ شي باغي يشوي
عايق فاهم ، ؤ بكل م حْدث ؤ صار
صام لقلب ؤ على الطيش ما يدوي
هذا وصلت بي احيالة راه سمسار
كذاب ؤ ذبح المحبة والصفا بجنوي
اه ي لأيام مال هاذ سًعد فيك بــار
ؤ مال هاذ الحظ كتابو غير مسوي
ك ما دار لقلب ، فالجوف فيك حار
قلة الروية ،دياب لمكر تعض وتعـوي
خبث علة في لقلوب خش ؤ مزرار
لا ربيع بقى لا محبة ؤ بنادم منوي
السيل جر زعيم مشرار سراق نكار
نهب ؤ طغى ، ؤ ما حس بالمكوي
م تبعو حاضي ؤ ما شاف حصار
ردها سايبة في لخابية راه يخـوي
لحال حال ولحامي عاد ضر وضرار
حبل خانق ؤعلى عنق الطيور ملوي
ما قال حاشا ، ولا حشومة ؤ لا عار
ؤب جهالتو ف الأقلام يخبط ؤيزوي
شاف لهبيل الخبث وسنطيحة وقار
خاوي ؤوحش سقيم بهيمة مخلوي
الأديب والشاعر المغربي الأستاذ أحمد الكندودي
القصيدة السابقة
بكل اللاءاتالقصيدة اللاحقة
لا تحكم21 مارس 2021