The Poet's Courtyard

الهربة

جربة

هي السيبة ...

ؤ طريقها خربة

سكنت الكاعة

السلعة والباعة

التشلهيب وخطف الحبة

الغلة

سرطها الغول

ما خلا صفا ولا معقول

نسى رسامو والخربة

عاد يلعب بالميزان

هو صاحب لقرار ولبلان

ؤ ل حك ليه على الدبرة...

يخبطو ؤيقاد لو الضربة

شرع قانون لغاب

باك صاحبي والعدل راب

قاس لحر وحمى مول لعشبة

بها كبروا عادوا اسياد

لبارح كانوا خش وعواد

غرق لمركب ...

لكمامة والجذبة

الطبل والغيطة

لكلاب عيات والخلق تسطا

طيحوا كيال

زادو قهرة وهبال

ؤ لمجذام غرر بالعزبة

بغاها دوارة

بين لحفاري ولخمارة

شتت لعشاش ؤ رد لغمة جلبة

شطيح والوترة

شي تعلى ؤ شي طاح في الغلبة

غاب الحق والامان

عاد حمو لفاسد مول لميزان

نصر كلاب لكَارة

مالين الريال والشكارة

ؤ في القلوب زرع الحصبة

تاه مول لعقل ولمعقول

عاد حاكمو شماتة مسلول

رد لبلاد للشناقة رحبة

الشدة والقرحة

زمان القلة ...

وبريالهم صبحوا نخبة

باعوا بنادم وطاحت سومتو

ردوه مُرهق هايم في شقاه وعلتو

تفقد مسكين بين الزحمة والخيبة

بمال لحرام كثروا لحياحة

سدوا لبيبان وعمروا الساحة

طفات شموع لخير...

ؤ ب لمناجل تذبحت ذيك السربة

غصة

قلوب لحجر ولكياص

هيضورة الضبع ولعور بات قناص

تابع لهمازي شوك وشطبة

الصنارة والقصبة

بو طحشة ركب لعالي

ما بقى يقد عليه غير الغالي

فاسد خبيث زايدها بلالا ؤ مالي

عاد بعبع

ما نضج وعن زلتو ما رجع

عمر ودنيه غيس..

ما سمع ما صفى ولا تربا

لقاها سايبة

لعقلية نايمة حايلة

فهم تسطى يا لعاقل...

فهذا زمان القهرة ولهربة