The Poet's Courtyard

اه يا دومة ...

بالله خبرني كيفاش وليتي مجردة

ؤما فيك غلة... م طًَعمي م دًاوي

اه يا دومة...

تعالِيتِ ؤفقدتِ اصلك ...

ختارتي الفوق ونسيتِ لحفاري

نًرجس عشو بين الصخر مْنَوَر

لابس لْحشمة ...

لوانو تحَيِدْ رًعشة

ولْعُشاق جَنب الشًط بِ لَمانْ ضاوي

ؤنت يادومة عِوَض تعطي الظل وَتْمر

زِدْتِ لْعطشان ؤلعيان ؤ لولهان...

بلقناطر تمارة ؤعمًرتِ به شواري

اه يادومة ...

فين مشات شمُوس ؤعلاش بكات النجوم

واش طْرا حتى وليتي لالة ؤمالي

خبريني يادومة ...

واش يسْ ؤمبقا صفصاف...

ؤ ل بلوحك بَلًج لعقول...

ؤُوَلاً لْجاهل فيه هو لْبطل وراوي

اه يا دومة .

اش درتي لعشاش لحمام ....

ؤمالي تنشوف الحال جاف لاوي

خبريني فين مشاو هذوك لجواد

واش رحلو بحال السعد

ؤل تاهو في دروب دُنيا ؤلقهاوي

اه عليك يا دومة ...

هذا زمانك ؤنهار يْنوْرْ رَيحان

يرجع الظل ...

ما يبقى ليك شان مَ تساوي

سولي غْصان تين ؤ زيتون

سَولي نخَلْ وأركَان وَرُمان ولَيمون

واش دومة تْحَب لْخير لِزْهار

ؤُ طمع عماها ؤكلات حَق لغير

ؤُرَغم ذلك تَتفُوح ...

ؤدراعها كَادي

يا دومة...

قالو زمان لِحَشِكْ ما يطَفرو

ؤُ نْتِ حَشيتِ لَفْراح

زرَعْتِ لَهْموم ...

ؤُ واخا تْجَرَدتِ...

راه لَكبير في لْكَركَاع سوقو خاوي

يا دومة ...

بالله خبرني كيفاش وليتي مجردة

ؤما فيك غلة... م طًَعمي م دًاوي ؟؟؟؟؟؟؟؟؟؟؟؟