The Poet's Courtyard

بحْبلْ الحيرة كَبًلْ العشقْ فْْراحي

ؤف ظَلمة رْماني ؤُرَد مُحَالْ كُلْْ يقين

سَقمْ طريقي ، ؤ زاد لْهَمْ لجراحي

شْغَلْ بالي ، ؤُ رَدْني وْحيدْ حزين

اه يا العشق ما سْمَعْتي صْراخي

لاَ طَُعْم خَلاًوْ فيك ،ؤ ُتْهَدْ لْقلب لَحْنين

مَرْغُوك في الضرِ،ؤ طْفاوْ مصْباحي

رَدوك ْسلعة ، ؤُ رَخْصُوكْ المجانين

لا وْفا ، ؤ لا صْفا ،غابة يا صاحي

اه ، ي العشق فين مواويلك فين

فأهل لغرام ؤ لهوى زادو نْواحي

فخبرني ، اش درت بدوك الصادقين

ؤخبرني فوقاش ، تْحَنْ ؤتْفُك سْراحي

دَرْتك دربي ب نية ، ؤ عَضتيني كَتنين

ؤُ وْشْماتك مازالت مكسرة جناحي

م خلاًتْني نفرح ، ؤ لاَ نَْسًاتْني الانين

ديتي هْنايَ، رديتي كاس لوحدة راحي

بالله عليك فق ، ؤ رْجع لذيك السنين

زْرَعْ ف قلبي لَهْنا ، ؤُ رُدْ فراحي

يثْمر ْسْبولْ لََهْوى،ؤُ يرْحَعْ الحب دين