The Poet's Courtyard

بزولة الزندقة

جامي تتلاقى

النية وقلة النية

لغدر فيك عاين باين ولعياقة

دفوع كبير والدونية

بالطابع بصمت ليك وبالعلانية

مكارة والعين زايعة حداقة

عجبك لحديد

ركب وسليت وزيد

لا ثقة فيك مراقة

بل قل لعقلية مريضة والهرطقة

جامي يتلاقى

لمعقول والزطاطة

وانت عامرة تخلويض

لقلب رخيص والجوف مريض

نار لغدر فيك دايرة حراقة

ذاك ل بعتيه بالرخا للغريب

عجبتك الهيئة وخا يكون للذيب

فقدتي السومة وصبحتي صرفاقة

بل قولي مرحاض متنقل

البيع والشرى والذل لمكلل

لخيانة في دمك وراثة وفاقة

جامي يتلاقى

الصادق والملعون

بل قولي الصافي والمعفون

ل راكب وهمو وتحراميات دراقة

فما لك على هاذ الحالة

سلباتك لايام عدتي بدالة

خنتي لعاهد وبين بنات الشان مراقة

عين تغمز والمش طبعو قماز

جامي يتوب مولف الفز والتكزاز

ؤ فين ما حطتيه خاصك معاه كلاطة

فكل جحمومية خانت وقاست لحلال

راكبة عليه ملاطي لا زين لا كبال

ظانة راسها سنان لحليب...

وهي شارفة وفي الشوهة عملاقة

عايشة معاك بجوج وجوه

ما راضيه وهي دون داخلها معتوه

بالمال تبيع كل ود زنداقة

جامي يتلاقى

ولد الناس والرعاوين

ذاك النقي لهانتو مولات الوجهين

عينين خارجين ضيقة وحماقة

جمعي حسابك ما بقى ليك كَعاد

الناس في نقاء تجري وكلك خواض

لعابة لا عفة لا شفقة

ذيك المودة والرحمة بالرماد سوكتي لهم

في السوق طايحة وب نفاقك صبغتيهم

سلات ايامك ....

فغرقي وحدك في الزندقة

جامي يتلاقى

الواضح والمرموز

فين ما حط رجلو ديما مهزوز

شارفة تلفت وزادتها بالمكر ولعياقة

فيا المجحومة طريقي ما هي طريقك

ل رضع الطيبة ولوفا ما يكون رفيقك

عشاقة بدالة جلواقة

غفل تطير عينك دينها

تمناك غ تغبر ؤ فينها فينها

سحرها لحديد والعينين براقة

لا زين لا حداقة

مسعورة تالفة بلالة ؤ مالي

تهينك ؤ م تحفظ عهد احنيني

مولفة لخبث ؤ بزولة الزندقة

فيا بخوشة لهبال والتحنقبز

جامي تصوني لكلمة غ التعربيز

فسيري بحالك وقليني من لفياقة

بل جامي تتلاقى

النية وقلة النية

افعى وسمها مس وكية

عاد لغدر باين عاين

ؤ م صنتي محبة ولا صداقة

بيني وبينك سبع بحور

مسافة وما فادك تحنزيز في البور

ضاع كلشي ولوفا عطيتيه فلقة

وجامي هي النية وقلة النية...

توالم يا الطايحة وتتلاقى

الرخيص يبقى رخيص

رجل هنا ورجل في الغيس

خفيفة ف لميزان بدالة عشاقة