The Poet's Courtyard

يا تًاعِسْ

تْعَبْ يا تًاعِسْ للنًاعسْ ؤُزيدْ عَاني

فالمنقوصْ ما حَاسْ ما فاهِمْ مْعاني

ما قالْ حْشُومة وَلاَ حْرامْ

نْسا الدًمْ ؤُ لْمَلحة ؤُ طعام

نَهًابْ ،فاسِدْ وَلًى، ؤُ دينو شيطاني

شْحالْ قَدًك مَن تَخمَامْ

ؤُنْت لِِ ختَرِتِ هاذ جْذامْ

نَكْرَك باش حَصْنَتو لقُبًةؤُعاش هاني

تْباهى بربطة عُنق ؤ هِندام

حْديدَة مَ تعَب عْليها مَ صَامْ

سَنْ حْكَامْ حْماتو، وبالحُقرة رْماني

تْعَب يا تًاعِس ؤُبلا كلامْ

لجاهل النًاقَص وَلًى عَوًام

وَلْفَاهِمْ تَْقَصْ جناحو،تلاحْ فِ ركَاني

داسُوه بِلََقْدامْ،فإيًاك تختارُوعَاوَد ثاني

فيق يا تًاعِسْ ؤُديرْ لْجامْ

مَ تباعْ بضحكة صَفْرا ؤُيِدامْ

فيق ،ؤُلَ بَعتِ راسكْ، فوتْ زْماني

لا صفة بقات فيك ولا رْسَامْ

رَدًكْ النًاعِسْ طُعْم لذاك لمْقامْ

حَادِقْ في التًصفيق ،ؤلْْحِيسْ لواني

ؤُلَ عَجبَكْ حَالك ، هَاذْ لحالْ عَيًاني

فيق يا التاعس ؤُ صغَ لَكْلام

هاذي عِيشَتْ دَبًانة فِ زْحامْ

فَحْرامْ تصَفِقْ لِمَنْ عَرًاكْ ؤ عَراني