2 غشت 2022
كُلْشي بِليكي
كلشي بيليكي...
فاَهْ يا بْلادي فينْ غادينْ بِكي
لْخَمْلَة في سوقْ الهَرْفَة دارِتْ شانْ
سنطيحة ؤ م كاين غير فلان ؤ فلان
عايشين فابور ؤ بليكي
م دَمْروا م شْقاوْ ؤ كلشي بالمجان
ضربة صحيحة تخرج سرا وبأمان
عادوا بياعة ؤ رْعاوين...
ؤُ وخًا م بْقى فيك حْليبْ...
باقين يْرَيْشُوا فيكي
نهبوا الفدان ب ل فيه
والمعقول تقبوا ليه عينيه
ردوا القبًة زاوية...
البلبلة ولعقول خاوية
ؤ للعدى بغاو يْرَهْنوكي
البارح كان السفلي حالهم
ؤباش غلاظوا م بقى على بالهم
باعوا الحق ؤباعوكي
يا بلادي لا تدرفي دموع لا تبكي
عْلامِك واقف وخًا يْمَكْروا م تْهَدي
يا بلادي ولادك حرار رجال
القناعة دينهم ؤهي راس مال
عليك الزفرة من قلوبهم طالعة
ؤ لحزن لَبًسْهُمْ الويل والتابعة
أنتِ الروحْ وبالنفس نفدِكي
فيا بلادي لا تحكي لا تشكي
غدا نغربلوا لحصادة صحاب شكي
يهربوا ذياب ؤ لحطابة
يعم الخير ؤتزهر الغابة
ؤ م يبقى فابور ؤلا بليكي
الأديب والشاعر المغربي الأستاذ أحمد الكندودي
القصيدة السابقة
ايهاالباحثالقصيدة اللاحقة
عرايا ومرايا2 غشت 2022