The Poet's Courtyard

غدا ترد

غدا ترد

كل ما نهبتي يا ذاك لفاسد لمفسد

طمع جلاك وماك عفنو راكد

سراق ما تسوى وعلى لبلاد حاقد

اليوم جا وقت لحساب ولجد

ظنتيها دايمة فطغيتي

ما خفتي من الله ما بوعدك وفيتي

عدتي مشلهب...

و شحال قد لقلم يخط فعايلك ويعد

بلاويك كثار

شرير تبليتى بالبليكي كيدار

جوعتي خوك ...

فما شبعتي وبقيتي شلاهبي دينو ارى جبد

اليوم تدفع الفاتورة

يسالي زمانك وشرورك المطمورة

تشد الركنة سطل بلا ترقيب مقرفد

غدا ترد

ذيك الفرحة والصرخة المقهورة

ل بسبابك عادت منبوذة تالفة محكورة

لهفتي لغلة و ما قنعتي...

ؤ ما كنتي غ مش وبِ لخواض تمجهد

بل حارب الواعي وشردو

ما بغى ل ينافسو ويبعدو

تواطأ مع الفُساد ونسى ذاك لغد

يوم لجزاء ولخلاص

من لحفرة خرج نقصو فلاش

تبع طريق التافهين وقلوب لكياص

ل ردو الحر ذليل مستعبد

فبلاما تزرب ونهارك جاي جاي

تهنى منك لخلق فاغبر باي باي

لكن حتى تتغربل وتعيط جبد

في الغيس تطيح همتك

ؤ انت راك بلا همة كيتك

ظالم كنتي وفي الأرض عربد

رد

يا الشفيفير كل منهوب

ل به عقتي وكلك كذوب وذنوب

فرعنتي فتسنى الحد

رد

يالشفيفير كل شبر ودرهم

ل غوفلتي عليه ؤ حلفتي ما تحشم

الماء والشطابة...

وبين القضبان بلاصتك

بندير مجلد