The Poet's Courtyard

الْخَمْلة

اَهْ،اَهْ عْلِيكْ يا لْخَمْلة

لا شَطْ فيكْ لا سَاحِلْ

بْنادِمْ فيك مْقنِع ذْميمْ

لْسانو سم أفْعَى بِ جْلاجْل

شَاطْ لََحْريرْ وداسوه رْعَاوِينْ

طْغَاوْ ؤُ راهُم لْلهاوية سايرين

فَقْدُوا المُورِي وَلَفْرامل

نْسَاوْ الماضي والحَزًة

عَمْروا بْطُونهُمْ بِ لْباطل

داسو لَحْريرْ وقالوا فاتْ فََصْلُو

باعُوا ضًميرْ بِلَذًة وَفاصِل

رَدوا بنادمْ مغموم حزين

سَرْقو فَرَحْتو بالطْمَعْ القَاتِلْ

ماتتْ فيهمْ لَمْرَوًة والصْوابْ

فقدوا الطيبة وَجَقْ تًحَابْ

رَدُوا تُرْبَةُ الخِيرْ رْمادْ قَاحِلْ

يا لِنْسيتي البارحْ واليومْ تْعالِيتي

غادي يجيك نْهارْ فيهْ تْسائِلْ

فلَحْرير إلَ شاطْ عند رْعاوين

لجهلهم ،تيغَسْلُو بيهْ الطْباسِلْ

خملة غير خملة ...

مَحْنة غارقة وَوحْلَة...

تحداها ؤُشدْ بالله وواصل

لَهْوَى بِكَفن نْفاقْ خَنْقُوهْ ...

صفقوا للشر وَعاوْنُوا السافلْ

مالو ؤُثقبو جيب لْغِيرْ

حِيتْ لْقاوْه حَيْط ومعبر قْصِير

أُوباشْ ما قَدْهُمش حْصيرْو لَمْرَقعْ

خْذاوْ ليه شْواريه لْمَايل

فزْواق يْطيرْ يْطيرْ

والخملة بحال الزايدة ...

غير زايدة ؤُ فيها لا تجادل

الخملة