The Poet's Courtyard

علاش..؟

علاش لَبْلا غير ف دْراوش

سدًادين َ حناجر كل مهاوش ؟

لا قنعة كسياه ..

لْمُوجة لِ جات تَلْقاها جارًاه

وبعْرَق الغير مْفَيِِك عايش

علاش...؟؟

علاش...

واحد بْغى لْمَا ورغيف ؤم لقاه

وواحد يِِدو لِرْزَق خوه سابْقاه ؟

بِ نًصْب وَ نًهب وَلإحتيال

وَلْداتْ الخملة عْجاجة فَ ظلام لْحال

هُم مُلاًك لْحكمة والبال والمال

وصحاب لعقول خفافش

سَرًاق ؤُ مْخرج عينيه...

ف لكذوب حتى واحد مَ يقَد عليه

ما يحشم ؤلِِِ هْدر يعاديه

عامر بْهوت ؤُ فِ لحم درويش ناهِش

فيا بنادم لاش ؤعلاش عايش

ما عرفتي القصة ؤ ُزايدها ناعس

راه ذياب حولو لبلاد ضيعة

لا قراية زينة لا صنعة

مالك أصاحبي عقلك صغير طايش

بِبْلا بْلا مريض والهدرة

أيامك منهوبة غافل م فاهم مَ طْْْرا ...

حَجْرة وليتي ما تْحَس ما تْناوِش

علاش لمكسي زادوه غطا وليه غطاه

ؤُلعريان زَوْلو غطاتو فزاد شقاه ؟

علاش واحد ربًى وتْعَلًم ؤلقى دْواه

وواحد الشارع هدْمو تلْفو وجْلاه ؟

مليُوح ف َدْروبة و سريرو ضَسْ ؤقْوادس

عاهة كالزايدة ردوه مهموم تاعس

علاش ؤعلاش الغابة ولات متْوَحشَة

وبنادم سلعة رخيصة بْحال لََقْرافش؟

واحد قضَى عُمْرو مضرور ضرير

مَ شاف مَ تمتع وَخًا لْخير مطير

مَ ضحك مَ فرح بحالو بحال لْغير

بغاوه يبقى خماس ؤُفِ الهم غامِس

علاش...؟؟

علاش لَبْلا غير ف دْراوش؟