The Poet's Courtyard

شوهة

شوهة

ذوك نْجوم طفاو

في الميديا رابو وبلاو

بهدلة وفوهة

فقدوا النضج ولمروة

من عينين الخلق طاحوا بالمرة

مضع في الهدرة ولوك ...

ما بدعوا ما عطاو ؤعلى لفن كحلوها

كشفوا السرائر

سوقوا التخربيق ؤ شي من شي ساخر

ما بناو محبة ولا داروا مزية...

زادوا في الطين بلة ولوذنين صدعوها

ناس قابعة في الحضيض

الشهرة زعما والقلب مريض

ما زرعوا سترة ...

ول في دواخلهم كشفوها

شوهة

لا زين لا مجي بكري

في الرأي مسالي حتى هو يدوي

عادوا شيوخ ...

والرجلة على حبل خنث علقوها

ما ربوها

ذيك النفس على الحشمة وما علموها

ان ل حط راسو في البهدلة...

سلعة ناقصة ؤ صحاب لعقول ما يساوموها

جمعوها ولموها

هي النخوة

حيت شوك كبر مقصي شكوة

اليوم عفرتو ...

وعادوا شوهة وخربقوها

زمان لفضايح والشوهة

لعفن ولعقلية مردومة

هدر في نهدر فيك ...

خلل في الجوف ؤ ما شافوها

ؤ كاع ل بغا يبان ؤ يعود مشهور

فضح راسو عاد مذموم محقور

تبرهش ومس شجرة الفن ...

أهل المتعة ل تعبوا وبقيمتها رفعوها

شوهة

فتقاد وتبخر بالجاوي

نقال نساخ ما قاري خاوي

سخرات منك

لايام ...

فضح سرارو وعاد شوهة

شوهة