3 فبراير 2020
نوض
نوض ي ولد بلادي ...
ؤدير بوصاية لجدود
بلادك بلادك ؤعنداك عليها تبخل
أو تفكر تهجر أو تهرب ؤ تلوذ
بلادك ي لغافل م تلقى بحالها...
واخا تقطع كل لبحور ؤ لحدود
هي محتاجة ليك ؤنت محتاج ليها
ؤل خدمتيها بالصفا والنية ...
تنور لواحة زهر ؤ ورود
نوض ي صاحبي ففي الحركة بركة
فمالك استسلمتي ؤمات فيك لمجهود
أنت المستقبل شانك كبير ؤفيك عنايتي
ؤ ب لعلم ؤصنعة قادر تعطي وتجود
السادس عزو الله فتح كاع بوابك
سفينتو سالمة والخير المنشود
فوقف ي صاحبي باركا من الخاوي...
ؤ من بلا بلا وضريب الفال والعود
هذي ساعة مباركة مبروكة
بالراحة والعز عليك تعود
فنوض تعلم ؤ بدع ؤهدم كل لقيود
زَيِن ْ حالك... نَمي بلادك...
فها هو لعوين ؤ لعون ليك ممدود
بلادك حالمة تولي عروسة بثمارك
ؤ توبقال يزيد يفتخر بكل الأسود
نوض ؤ بني ؤ عشق بلادك
وعليها بكل غالي ضحي ؤ دود
لا تقول هذاك دار ؤدار تريب وتادك
توكل ؤب الصدق كافح...
راه كل فاسد مرقوض منبوذ
فنوض أصاحبي نوض
ؤحطم ذاك لباب لمسدود
الأديب والشاعر المغربي الأستاذ أحمد الكندودي
القصيدة السابقة
هي المدينةالقصيدة اللاحقة
هي العدالة3 فبراير 2020