The Poet's Courtyard

ماني كامُوني

قالوا : شعب مْفَضي حْرَشْ كاموني

ؤ حْنا مَنْ وْلادْ أَشْراف توبقال الأبرار

بالجهل نعتوني ذوك ذْيابْ ؤ عَيْروني

ؤ زهري ما طيحني غير مع كيدار

دَرْتو دْراع ، فَمَسْ غَرْسي ؤ زيتوني

ؤمَن لْحُفرة طلعناه بحال شِ صرصار

تْعَفْرَتْ ، ؤ عاد في التشقليب حلزوني

نْسى اني ولد السبوعة ِؤرجال لْأخيار

ؤ بالكذوب والشر فقا الحق ؤعيوني

عادْ ذيب ب لَْحيالة عايِش نشًال غدار

تْرَفًحْ ،دارْ لَباس،داس حرفي ؤُمْتوني

هـدًم المدرسة ؤزاد رَيِب حتى الدار

سْرَقْ حقي ؤقال عْلَيً حْرَشْ كاموني

بزًافْ بْحالك مْراض قابعين في الغار

نافثين سَمْهُم ؤعرفت بأنهم لسرقوني

بل فهمت اللعبة وبغيت حقي باصرار

ؤبكلام سْفاهة غير لْعزيمة لِ زادوني

فما تستهل مروة ،يا الطاغي ولا تيقار

من كلاب لكرنة نت ،ؤلبرخا باعوني

ؤ في سوق دْلالة ذمني واحد سمسار

ؤلبحالو عطيتهم صوتي ثقة ؤنكروني

بل في حقي سنوا كل قانون مضرار

ضْرَبْ ضرب ،ؤبغاو يعاودو يْربوني

وانا مَن عَنْد ربي مربي صالح مخيار

ما انا جاهل أو غشيم او غر كاموني

فسير ربط لسانك راه كلو شوك ؤعار

ؤُنْهار يَوْصَل لَحساب غادين تفهموني

بِ لَقْلم والعلم نًاس فاتَتْ الظلم والنار

امًا عًنْ خْبَطْ خْبَطْ ولَعْصا لا تسولوني

حر ولد حر مغربي بطل فارس مغوار

وخًا عْروق الدفلة.. بالكاموني نعتوني

سير سير راك غير جلاد جزار مطيار

غدا نْسَيْقوك نْتا ؤقرانك.. ؤ تذكروني

ؤباش عرف شعبي حقيقتكم ي النكار

قلتم عليه متخلف ،امي حرش كاموني

ؤم انت غير سراق نهاب محتال شفار

سوقك خاوي بل ،حاقد ناقص ؤُدوني

بان عيبك ؤحنا وراك وراك شبح ؤنار

حتى تولي تقاقي ؤم تحيا غ صابوني

صوت وصورة

https://youtu.be/3AT90GWiOSU