The Poet's Courtyard

لا تفكر

لا تْفكر

لا تْهَز هَم الدنيا وتْحَيٍر

خليها غادة على الله

الرحمن الرحيم لا سواه

هو الفكاك والمغيث وَلْمُدبر

لا تقول خاصني ذيك وذاك

لا ترد فرحك حزن وبالرماد سواك

وَكًل امرك لله ؤعلى راسك شَوًر

صْداع الفانية يبقى فيها

ما تشغل بِزْواقها وَكْذوب ماليها

دير لقنعة راس مال واستغفر

لا تشكي نقصك فالغريب غ غريب

انت سيد راسك وليه عوين وحبيب

فالطامع في الزيادة ما شاف هوتة...

وفي النقصان ما فكر

فنور قلبك بذكر الله

لعمر قصير ف عطيه لي يكفاه

لا تلهيك الحاجة والعثرة...

فتعود لعبة عاثر

الراحة ما هي شكال ولا نفاق

اقنعة اللحظ بها بنادم زعما فاق

لا بهوت ولا تصنع فتْبَصر

حُلْ عينيك تْشوف لحقيقة

كُلْشي غِ مْرقع انفصام وضيقة

اطلب ربي لكفاف حمدو فهو المدبر

فلا تفكر

لا تهزها منين تْقالت

تسلبك الغفلة تقضي مهموم شاحت

كون فاس ...

وعلى درب الحقرة تسوخر

الناس حال يا صاحبي واحوال

قلًب انت على هْناك وراحة لبال

لا تكثًر هدرة لا تطول سؤال

اغنم من حياتك كنز العزة وافتخر

عنداك تقول انا فقير ديما والو

لفقر ما مكتوب عليك ما انت موالو

دنيا طالعة نازلة ؤ من بنادم تسْخر

بحال لي عندو بحال لمعندوش

لا تغرك لْمظاهر فسير قَلًب وشوف

ترجع لصوابك وفي المسرحية تمنظر

غ شور

خلي لي بغا يطلع يطلع

ما تعاند حد صلي واركع

كولشي يفوت فخلي البصمة وتذكر

ان لقناعة كنز لا يفنى

ما مطفرو حد فغير تهنا

دير الحب دين ...

وعيش سي سيد عنتر

لا تفكر

زمان ما يستهل دمعاتك

لا تحاسب فيه واركب موجاتك

دخل بحرك فشطأنو دافية ...

وبموجاتو غسل لعقلية وتطهر

لا تفكر