The Poet's Courtyard

عصابة صعصع

هي عصابة صعصع

فرشخ وخبط ؤ جوع

لقاتها سايبة

حاميها حراميها عايبة

عصبة بخ ؤ بعبع

ما نتجت مال ؤفقرت لمخلوق

وظفت الذياب ذباب وبوق

ردت لبلاد غابة ...

نهب وشفر وبرع

هي عصابة بعبع

بغات تخوصص التعليم

تجهل بنادم ؤيسودوا المجرمين

يحموا لبلاد بالجلاد والقمع

بعاد على هم الأمة راهم غمة

ما حشموا كلاب لكرنة والشمة

تجار الوهم وارى برع

بل بغاوا يوليوا علينا سادة

زعما مخلصين وللوطن قادة

وماهم غ حطابة وساسهم مزعزع

وهي عصابة صعصع

غلات القوت وطفات الشمع

الجوع والنوع...

ولعبة برق ما تقشع

نساوا ان في الجاية غيطيروا

دابا راهم مفرعنين مضروبين في الزيرو

رفضاتهم لأرض غ الجشع والطمع

عراو لمسكين وكساو التاجر

زلطوا الكادح راه في الفاقة حاير

سلاخة جزارة وصبحهم قريب يطلع

نلوحوهم في المزبلة

هم وأعداء الله والوطن والملك عملاء

طبقوا الأجندات

لا مساواة لا عدالة

سراق بالفطرة بل قل بالطبع

وهو صعصع

عايش هاني يلم من لعرق ويجمع

تلفتو الدنيا والثأر والانتقام

ما يعرف سماحة ملتو ظلام

الامر الناهي على لواقع ول يوقع

وهي عصابة صعصع

سنت ما يحميها ؤ نشفات الضرع

اليوم بان عيبها وتلاويها

ضحكات على لبلاد ورهنت مليها

راب ميزان العدل ...

وبات السفيه في الحق يهدم ويقطع

غدا صبحكم ما يطلع

تلفظكم الأمة

تسقيهم كما سقاونا غمة

يعودوا عبرة ...

ولحال يتقاد وبالصدق يترصع

عصابة بعبع

زرعت النار ...

ؤ ما تجني غ الذلة ولها جامي تركع

ذيك مجموعة الطنازة

شناقة سلاخة بزنازة

تجار الهمزة ...

وفي دينهم عود صمك عمى...

ما تشوف ما تسمع