22 فبراير 2020
صون جذورك
بَقِش فِ أصلك ؤ صون جذورك
ؤ قبل م تطغى او تتكبر...
أو على بنادم تْمثل دُورَك
فنور الله مْضوي لْخلق كاملين
ؤ نْتَ من سراق لَفْراح الخاينين
ممسوخ ملعون طافي نورك
درتي الله طريق ؤ ركبتي كتابو
تاجرتَ ب دينو ؤ ظلمتي عبادو
فها ربي جلاك ؤفضح غرورك
فباز أصاحبي مَنًك ل فوهة النار
ؤ مازالت السنطيحة ؤ نت غ نكار
حقير ذميم ف ذلة جحورك
سبحانه م خفات عليه خفيه
مول الحمد والشكر والحكمة ولعطية
قال نبتليكم بكلاب ب سُمْ لغدر مسقية
تْشَبًعكم ثرثرة ؤ بلابلا و كذوب
ؤ ها أنت العبرة، ؤم شفنا غير فجورك
ضال طاغي وليتي ؤسمانت ذنوبك
باش تربح خنت العهد و الرحمان
نسيتي الحكمة ؤ لعبتي ف الميزان
ؤ في الظلم ؤ لقبح تزاد منسوبك
ولد الحضيض كنت ؤ باقي وخا تعالتي
لْعَز همًة ؤ نذكرك بالماضي إلِ فيه فرطتي
على دوام تعيش نادم مغلول ف شرورك
فبقش قبل متبدل طباعك أسي فلان
او تولي عنترة أو طرزان زمان
عرف شكون أنت وشكون جذورك
فصون جذورك
الأديب والشاعر المغربي الأستاذ أحمد الكندودي
22 فبراير 2020