The Poet's Courtyard

رفع راسك

رفع راسك...

فأنت الأستاذ

رغم الألم وكرباج الجلاد

حامل الرسالة

بنورك ينتهي السواد...

ويتقادوا الضالة

سيد وابو الطيبة واب الأكباد

ضد الظلام والجهل تخلقتي

ما بخلتي ؤ بالجد تسلحتي

اساس ودعامة وعماد

بمحانك ضوات الحكمة

ل خرجات لأرض من الزخمة و الغمة

زادتها شان ونماء وهمة

ؤ بك تزهى وتفتخر هي لبلاد

ورغم البؤس والتنكيل

همجية الدون وعابري سبيل

نفض غبار الظلم...

ؤ ساوي اوتار انفساك ب لقلم ولمداد

فارفع راسك

ثيق في نفسك وهرس كبل حباسك

وخا جناوي لجزارة...

وسندان الحداد

فويل لأمة هانت المعلم

هدمت الوعي ؤحولته بحال لمجرم

هانت سيد الأسياد

بل قاست بقبحها عزة نفسو

حيت هدر على ل ضرو ورفسو

ورغم قبح الصورة...

جامي يخنع ولدعاة الجهالة بالمرصاد

ذووك ل بغاو يحكموا بلا اختيار

قطروا من سطح وداسوا الأحرار

سنوا ما يحميهم وجلدوا الأستاذ

شي يجر منها ؤشي يجر من لهيه

ابواق الساعة واللحسة ؤعطي لمو ؤزيديه

بغاوها غابة تالفة مطلية بالرماد

فافتخر فانت الأستاذ

ياك ما سرقتي مال عام ما نهبتي

ما ركعتي للظالم ؤعلى حقك صمدتي

زيد في طريق لخير وضوي نجوم لبلاد

بل يعم النضج وتحل البصيرة

ما يبقى جهل وتنقى الحظيرة

بالنضج لا بالمال غدا يتفتح الورد

وتسود المساواة بين لعباد

فارفع رأسك فانت الأستاذ