The Poet's Courtyard

قْطَعْ لْغاكْ

قطع لغاك ..

سَدْ فَمكْ ؤُ شَدْ بْلاكْ

ياكْ بالشوك زَرًبْتي دْواخْلِك...

هْواكْ ؤُ بَرًكْ وَسْماكْ

أسيدي عْطيني لَوْقَرْ وَتيقارْ

مَانِي بْحالِك ْ هْبيلْ مَشْرارْ

ولد توبقال أنا ، واشْ جابْ ريحي لَهْواكْ

أسيدي في الخير نفديك ب رُوحي

وَنْتَ خْتَرِتي الشر ، سمَمْتِ بُوحي

جْهالة والجايحة والكراهية غالباك

قْطع لغاك

سدْ بْواقِك ؤُ غْلَقْ فاَكْ

راكْ وليتي غير تَتْبَرْوِلْ

على القبح ؤُ لَغْدر ديما مْعَوِلْ

تْهَدِدْ ؤُ تَشْتَمْ عَنتر لَمْفَرْوِلْ

فيق، راك حاصل ك بومة ف شْراك

عَلْتًكْ مغربُو فوبيا

هو الفوق ، ؤنْتَ فِ الدونية

لا عدس لاعيش لا لوبيا

والله دَعْوَتْ لمراركة حَصْداكْ حصداكْ

ياك ما بغينا لك أذى ولا ضر

ؤنت سنين في لْقبح غ حُك ْ جُرْ

ؤذيك الكاسيطا مْحيها ، وَيًاك ْ ويًاكْ

ياك اصاحبي تْمَدًتْ ليك يد الخير

رْفَضتيها ؤُ تْبَعْتي كلام التْنَوْعير

احسن ليك غْبَرْ ، ؤُ نساني ننساك

غدا تولي دجاجة تْقاقِي

بْسالْ فَعْلِك ْ ؤ نْشَدْتي فْراقي

إيوا كون راجل ؤُ قطع لغاك

م ترضى ف محفل تَذْكُرْني

أسيدي باعد مَ تَقْدَحْني م تشكرني

مشرار رْخيص ،ؤلكبرانية ما مْوَتْياكْ

رباًتِك الرومية على الطاعة

لحركى تْفَضْحوا حْديث السًاعة

وسير الله يْبَعِدْ بلانا على بلاك

قطع لغاك