The Poet's Courtyard

مجاري التفاهة

اش هذا

مجاري خزعبلات وتفاهة

قلة الترابي والبشاعة

مخلوقات باعت وجهها...

قاست القيم والدين والعرف والعادة

اشكون هذي وهذا

اش من موسم للخبث فقسو

لسان بلا لجام سايرين يهيسو

لا زين لا متعة لا إفادة

اش هذا

دخل الخش وخرمزو

لوسيلة رخيصة اي ريح تهزو

ما احترم الله...

لا مو لا باه

رد البيت مسكون بالبلذا

دغيا زعما طوالو رجليك

نزق السنطيحة مخرج عينيك

عبد مأمور عميل رفادة

عدو قيم الاحرار وولاد توبقال

اجندات وصهينة وجاهل بهلول دلال

عاد يمرغ في حشمة لبيوت ...

داس لوقر والاحترام

واش تقلبت الإليادة

الطايح بغى بمكرو فيك يربي

معاوناه لميديا باش يوسخ دين ربي

ما قال عيب ولا حشومة....

مَسًخ الصورة وطلاها عربادة

أش هذا

واش بزز يعود الريحان شوك

يغرق في كلثة لعفن منهوك

سبابنا تفاهة ...

وعقليات ممغنطة في الحدرة غادة

اش هذا

فنوض ووزن عاد نتج

السلعة الناقصة حاربها وتفجج

صون لقيم ...

ؤ بعد على دين لمغاربة

تقاليدهم والعادة

اش هذا