26 فبراير 2022
باركا
باركا
لمقص ؤتقيب جيب ؤلفراكة
عصر بنادم
راك م حاس م فاهم
فرسا وتراكا
سرقتي للمهموم فراح ايامو
كحلتي الدنيا ف وجهو ؤولادو صامو
شبعان مع راسك ...
ؤ ل م عجبوا حال يتكلاطا
واش لهاذ شي جابوك
نسيتي الزلطة اهلك بوك ؤخوك
ولتي صاط ؤ زعيم الشناقة
اش تدير
لا فهامة لا حسن تدبير
هرست الصاري ؤالطايح كثير
تسيدتي على لهزيل فنتفتي حقو
ؤباش يبقى تابع حاني فضيتي حتى رزقو
راسك مثقوب عوج عامر غير زطاطا
باركا
لفاسد ساب م لقى ل يردعو
غطس بوحدو ف لخير ؤكلشي بلعو
خلى لفتات زعما عطية ؤبركة
اه يا لغافل فوقاش تفيق
لبلاد حكموها النهابة م عدت فيها تليق
ؤ ل عض ضعيف ليوم ...
غدا يبيعك لعدو ؤيسيقك بالكراطة
السياسة خمجت ؤسوقها عاد خاوي
جمعت الفاشلين راهم سكنوا لعوالي
سنو ل بغاو ؤزادوا ف تكشاط ؤلفياقة
م حشموا م قالوا حرام
طغاو ؤهدوا للحر كل الاحلام
نساو لماضي ولحصير ؤلبراكة
سكنوا لقصور ؤكلشي فابور
تقاعد سمين ؤبدهن السير لعوينة تفور
حسكوا للطيور جناحها
جهلوا لخليقة ؤزادو ف ترياشها
جمعوا السلطة والمال ؤردوا بنادم حراكة
باركا
لفُساد ف الارض زرعوا الشوك
ورثو لكرسي لحفادهم ؤقالوا مبروك
تمييز ؤ عنصرية والواد حمل سناكا
فيا بلادي فوقاش بالخير والعدل تجودي
اللهطة والغفلة والسرقة خايف م تعودي
حكموك الظالمين ؤقبتهم م فيها بركة
باركا
الأديب والشاعر المغربي الأستاذ أحمد الكندودي
القصيدة السابقة
الألمالقصيدة اللاحقة
لا والف لا26 فبراير 2022