The Poet's Courtyard

زْرَع الخير

تْزَوِدْ بِ لمحبة ؤ لخير

ؤ خلي شرور الجوف مَنك يْطيحو

ؤ نْوَصيك فكر في الغير

ؤ ب صفا حَلي لسانك ؤحَسِنْ مْديحو

دُنيا فتًانة فيها لَعْقل يْحير

تْخَرْجًكْ من جْواكْ ؤ ريوكَك يْسيحُو

تْوَلي نَهًابْ فبيحْ شريرْ

ؤ م يعود يكفاك تًلِيسْ بهمو ؤ قرحو

تخطفك الأنا ؤتَدُوس لْخير

ؤب لمناشرتقطع لَفقير رزقو ؤبوحو

شريف عليك واخا ب حْصِير

ؤنت مخطوفْ لْقلبْ غافل تالفة ريحو

لمال لِ جْلاك ؤدْفَا لَحْرير

غدًا لَكْفَنْ راس مالك ؤعليك م يْنوحو

فكر ؤ زيد فكر كثير ؤدير

لخيرؤحفظ حق لمسكين داوي جرحو

شحال من واحد خْطف لَكثير

دًا غيرذنوب،ؤ بالحرام ولادو يفوحو

سقر نهايتو يتحرق ف الكير

ؤ م ينفعوه ولاد ف نار تْعذب روحو

فيق ؤ قبل م يطير الطير

اطلب توبة ؤمن لمظلوم طلب سماحو

اسجد واركع للقاضي لَكْبير

طْرد طمع فشحال منهم ريبو ؤلاَحو