The Poet's Courtyard

سد دلقوشك

أمالك احنيني ؟

واقلا السخانة شداك

خاصك تبخيرة انت ولأبواق لمعاك

حسن سد دلقوشك ؤ نيني

شتك خرجتي نيابك

درتي الاستاذ قنطرة ؤكبرتي حسابك

ؤباش توصلو خاصك لذاك لمخ تْفيني

شاطر مع راسك

زعما ناضج عارف قياسك

ؤبان لك رجل التربية خاوي مْفَني

او حيط قصير عليه تترامى

تلاح لماركة بحالك عيانة

ؤ فاقد الشيء ما يعطيه غ تيفبري

اتهمتي المعلم بقليل الشان

يا لاه وريني ذيك بلابلا ؤخرج نيشان

راه ردك بوق مبيوع ...

وسيلة رخيصة ؤمن هرطقتك خطيني

امالك البوق اش طرا لك

شْغُل الرجال صعيب عليك فشد هبالك

شحال عطاوك...

ؤ بشحال بعتي راسك ؤ بعتني

في لفهامة والاجندات لسانك طويل

ناخذوك على قد عقلك حيت ناقص ذليل

ؤ حسن لك نيني يا حنيني

فغير اخبرني على من تتقرا زبورك

باغي تنفخ في لعافية وانت غ مفبرك

بايع وجهك ؤ بلا حياء بالدون نعتيني

ؤ باش تبغي تقيس عريني

استاذي وأهلي وديني

خاصك تكون سيدي ومولاي ...

فواش سمعتيني

هبط لفيافي ؤجرب

ربي غ راسك ؤ عاد تفلسف وخطب

اعلام الرخص ...

البيع والشراء وثقافة روتيني

ياك غ بوق بحالك بحال الناقصين

تريكة العملاء والخونة والشياطين

بالزر يخدموا

بيادق دفة زادوا الغم همو

عادوا علماء ب نْقل ونسخ ؤعطيني

فبينك والعمومية مسافة

ياك صفقتي للخوصصة مخلوق جلاخة

فباش حسن من رجل التربية...

فغير وريني

وحسن ليك سد دلقوشك...

تلاح ؤ هنيني