The Poet's Courtyard

لبس قدك يواتيك

ؤُ مَ تْعلِقْ فينْ تْفَلِق

رزقك يأتيك يأتيك

حْمَدْ الله ؤُ قْنع ؤ من لْغد لا تقلق

قاد خطواتك تْقاد ؤ زيد

جامي تًحْنى لي بك م مْسوق

لْخبز لفطير ؤ لْماء يكفيك

م تطمع م تْمَد يِدْ ؤ تْخَلق

شْحال مْن غني عايش فقير

زادو الريال عْذاب ؤ في الزور يْلَفِق

فَ لْبَس اصاحبي قدك يواتيك

ؤلا تعلق فين تفلق

واحد مريض بالفشفشة ؤ دفوع كبير

انتحر طبقيا ؤ م عندو ما يْمَرق

م رضى بِحال ؤلاح هْلو لَهبيل

نْكر حسبو نسى أصلو عاد مْجَلْوَق

عزة النفس لا تنساها لا تدوز عليك

طَرْف من النخوة به تعيش ؤم تْسَوِق

م تركع لمول المال م تْبان صغير

اليوم ليك ؤ غدا عليه فابحث ؤ حقق

الدنيا دوًارة ؤ ما يدوم حال

قرا ؤ تعلم وْعى رقًع م تْفرق

مول المال كرشو كبيرة يهرف عليك

ؤ م يعطيك حتى يعرفك ذليل مْعَتق

بِ رْيالو ضْمَن السلطة ؤ طَمًاع سلومو

ؤ نهار يعلا يخليك في جهلك معلق

حُطْ رجليك على الأرض عيش بسيط

لا تفوح لا تكذب ...

ؤ بالصدق بوح م تنمق م تزوق

م دير كساك فُضلة ؤ بالنضج تْسلح

ف زواق يطير أبلادي ...

ؤ في الغفلة تبقى غافل مْشَنق

فالبس قدك اصاحبي يواتيك

احمد الله فهو للارزاق يْفرق

هذا ابتلاه فاغناه ؤ باش م قنع جلاه

بل عماه قْساح قلبو م حن م صدق

فيا لهبيل قوتك هي تْشد بالله

يعطيك ؤ ينور طريقك ؤ م يفرط

لبس قدك يواتيك

ما تعلق فين تفلق