The Poet's Courtyard

كي درتي ليها

كِ درتي ليها

حتى سكنتي لعالي

صبحت من السادة ...

شيخ القبة والمعالي

صبحتْ نبان لك صغير معدوم

منتوف حقي جاهل مهموم

درتي نياب ؤفرستي حال لعباد وحالي

داوي ذوك البلاوي

الانا والعظمة والتلاوي

سي السيد زعما وهو خاوي

زعيم عصابة نهب واذهب ...

لي كسات الحر قديم وبالي

عاد مول القرار

سد الباب ؤشعل النار

شتت الدار ما خلا تقار

ردت بواقو لبلاد غابة...

بل قل ثلث لخالي

كلهم طيور الفرحة هربوا

ها لهد عش الحر ها لخربو

قطع الاواصر ؤعاون كيالي

فاه يا لمعالي

لي عاد وزنو دولار بديالي

خطف حتى الفرحة والقوت

كشط الرحبة عاد ممقوت

تاجر المآسي حيالي

فاخبرني ك درتي ليها

وليتي زعيم ؤمن حراميها

لِ ورثو الكرسي بطاي طاي...

ولعلالي

وهو حالي

حال ؤبقى على حالو فبهات هلالي

لا حنكة لا فهامة لا تقدير

تجار لكذوب ولقوالب وشخير

شبعوا مال ؤعاد يطلوا علينا من لأعالي

نساو الحفرة ولحصير

ذيك الخربة ل كبر فيها والقصدير

عاد بطنو منفوخ بالسحت ...

سمى راسو جليل ...

ؤباه مسميه الجيلالي

فيا البوهالي

يا صاحب القامة والمعالي

خبرني غ منين سلتي

كِ درتي حتى من لكبار عدتي

رجعتي سي السيد وحنا الموالي

فيا عصابة التنقاز

باز مخلوقات ناقصة علتها كزاز

ما بقات سياسة غ سراق ريالي

فيا ربي لعالي

من ذياب الغفلة صون بلادي

نجيها من سراق الفرحة...

وبساعد ريعانها نسيقوا ذياب الاعالي

لي ركبوا انينك وبكاك

همهم التحكم فافهم واياك

تدير يدك في عصيدة اللهفة...

يدور الزمان عليك ؤفي لمزابل تسالي

فاخبرني ك درتي ليها

حتى سكنت لفوق والاعالي