The Poet's Courtyard

كون سبع

كون سبع

لا ضبع تابع لًحسة وَطْمع

فهو قليل لعفة ما صالح ما لايق

في التبلحيس زعيم زعما رابح فايق

حاني محني لشناق مصدع

فيا لغافل الرزاق الله

دمر وحفر وتعب تحدى الآه

ؤ ما تعول على لفابور...

تْعُود مْصَخصخ مبيوع مْشمع

كون سبع

ما تهزك لالًة ؤ مالي

يخلعك بِ هالتو مخلوق داخلو بالي

عايش ب لحرام ...

تمساح شكاي غ يسرط وَيْدَمًع

ردع

شياطين لوقت ولحال

ذوك ل ردوك جاهل وَلْغد مبهم محال

سقاوك بسمهم

قسا لقلب وفي صرخة الانين ما سمعهم

ما حشم ما راعى ما خشع ما تخشًع

ما قال الدنيا فانية لعابة

هكا بغاها سايبة موسخة غابة

جمع السلطة والمال...

وحلف إيلا شبع وغرق في جمع ؤ قلع

بل دار لهزيل طريق باش ينهب

شراه ب الرخيص واليوم نتف ليه الزعب

سيق وركل لخماج ..

سراق الفرحة وَلْجَشع

كون سبع

ما تكون ف كرشك عجينة

حيح على السافل راه دار الروينة

ما لقى ل يحاسبو...

ما عاد يتخلع ؤزايد يتنطع

صفي النبع

عزتك ولعناية لا تفرط فيها

ما تغريك مظاهر غدا وراك تخليها

دابا تشتت كَاعة لْفاسد ورباعتو...

كل شفيفير ملتو كذوب وخذع

كدح وما تْسَنى إحسان ولا شفقة

يعطيك ليوم وغدا يدير لك فلاقة

يحرمك من نقاك ...

وتولي بالإهانة مطبع

نصب وجر ورفع

رْهوط الغفلة وليهم ما تطوع ما تسمع

بغاوك اصاحبي تكون مرضي

طايع ل حثالة قاسْ عرضك وعرضي

نهب وهرب ....

سمن لغريب وَلِ ولاد بلادو جوع وقمع

ودع

ذيك الخلعة وتبيخا

شطب الرحبة قشها راه دار القرحة

مخلوق سادي ما يستاهل وقر...

وعلى جبينو مكتوب شناق بالخبث مطبع

حتى هذاك ل هربو لهيه ما بقى ليه

زلطنا هنا وطاح في لفخ لهيه

عادوا الروم يتحكموا في لحصيصة...