The Poet's Courtyard

ديري النية

صفي النية

كوني رزينة

راك جميلة

ؤمن لداخل نقية

صفي النية

ديري الصدق طريقك

ما تخلي القطار يفوتك

بالوعد وفاي

ؤ بالبسمة الصافية رشي علي

راني كامل ليك

فكوني كلك ليا

م تسوقي للهدرة الراشية

بلابلا و لعقول الطايشة

طهري روحك من عفن المادية

ياك علمونا لمحبة بحال لحرث

بالنية لقلب يصفا ؤ بالخير ينبت

تدوم لعشرة والحنية

لغة ضحك علي نضحك عليك

ما هي ديني ؤ م نبغيها ليك

نقلة أصيلة ؤ بالرضا محضية

صفي النية

و مدي بالصدق يديك

وها هي بالنية ممدودة يدية

فديري النية