12 دجنبر 2021
عشرة في عقل
عشرة في عقل
ؤ ما كاين غ جلط ؤ زعبل
لكورة غير مستديرة
متعة لا تردها لعبة شريرة
تخلط بين الفن ولعفن ؤتغزل
عشرة في عقل
واو شحال مطلي يا صاحبي بالتنوعير
لبغض ولحقد ؤ لعقل صغير
ؤ م تتقن غ لغة التقرقيب ك السطل
فهز حط كل عوج جغل
ؤ م تخمم ف سبيطار لهبل
مراض دايرين بلوى ؤحالة
دفعوا كبير مجانين لا عقالة
ضربهم الله ؤذبحوا لمحبة بمنجل
عشرة في عقل
ما يفرقوا بين نقا ؤزبل
حفر حفر لغبينة ؤ لغل
بل مضغ مضع لؤم ؤجهل
فيا لمغيب ميز ف لغاك الله يهديك
الناس بالناس ؤ نت بحال إل جاريين عليك
مدوخ ؤ غ غادي تعض ؤ تركل
بكري قالوا لكل مقام مقال
ؤبلا تغربيل خيطتي لغاك ؤ بالمحال
خلطتي بين السمن و التراب ؤ لعسل
يا صاحبي هاذيك راه كورة
رباح او لخسران فيها ضرورة
ؤ بها تجمعوا لحباب ...
ؤ نت باغي تشتت الشمل
فخمم ؤ ترزن ؤ تعقل
ما تبقاش غير تتقاقي
سيستي الفرجة وكملت الباقي
مالك مذهون باللعنة مريض هبل
عشرة في عقل
الأديب والشاعر المغربي الأستاذ أحمد الكندودي
القصيدة السابقة
خلف الغابةالقصيدة اللاحقة
رخيصة12 دجنبر 2021