The Poet's Courtyard

انا نحني ليك.....

مدي حبيبتي يديك....

انا نحنيها ليك

نخاف من القطار يفوتك...

والعمر يهرب عليك

القلب عامر بيك

راني خايف من الدنيا تجليك

او يذبل الورد لي في عينيك

خايف زواق يعميك

يفرقنا ، ويهربني عليك...

او يهربك علي ...

ويضحكوا علي وعليك

مدي حبيبتي يديك

انا نحنيها ليك

هما مولفين التجارة..

بالقلوب الحيرانة ...ويولي الشياطة يديك

ما حبو، ما خلوني نغني ليك

مات فيهم الحب والهوى

وخا فقري، كنزي في حنة يديك

فمدي حبيبتي يديك

انا نحنيها ليك

بالوفا والصدق غني

ما تخمي ما تحزني

اولا تبعتي زواقهم

حتى الضحكة يديوها ليك

فديري يدي في يديك

وبدرهم حنا نقش ليك

حبك كنز ما يتباع بمال

عنداك يضحكو عليك الانذال

يبيعو ويشريو فيك

ما تهتمي بمظهر

الحب والوفا هو الجوهر

حتىى مظهر ما يغريك

فانت الزين ،وانا شمعة مضويك

فمدي حبيبتي يديك

انا نحنيها ليك

نخاف من القطار يفوتك

والعمر يهرب عليك